Supplicat s. v. .. Ericus Dacie, Svecie et Norvegie regnorum rex ac dux Pomeranie, quatinus omnes tam excommunicationum quam interdicti et suspensionis processus, sententias et censuras ecclesiasticas cum aggravationibus et reaggravationibus ac invocatione brachii secularis eorundem ad instantiam .. domini Magni pro episcopo ecclesie Caminensis se gerentis contra quondam dominum Bugslaum ducem Pomeranie illustrem aliasque personas quascumque occasione nonnullorum castrorum, terrarum et possessionum, ut pretenditur, ad eandem ecclesiam Caminensem pertinentium rerumque aliarum in causa, que vertebatur interprefatum quondam Bugslaum ex una ac Magnum episcopum <partibus ex altera>A de castris, terris et possessionibus predictis deductarum vigore cujusdam pretensi monitorii a sede apostolica emanati, ut dicitur, factos et fulminatos ac omnia inde secuta usque et ad beneplacitum sedis apostolice <pro>A bono pacis ac spe concordie ac tractatus inter prefatos dominos regem et episcopum faciendi plenarie annullare dictumque quondam dominum Bugslaum ducem a dictis aliisque sententiis et censuris, quibus forsitan premissorum occasione innodatus extiterat, de benignitate apostolica misericorditer absolvere omnemque irregularitatis et inhabilitatis maculam sive notam a quibuscunque, qui forsitan sententiis et censuris predictis innodati divina officia, non tamen in contemptum clavium ecclesie, celebrarunt aut alias sacramenta ecclesiastica ministrarunt, penitus abolentes cum eisdem, ut ordinibus, officiis et beneficiis libere et licite sicut prius gaudere valeant, dignemini misericorditer dispensareA. ...

Fiat, dummodo castra predicta ponantur ad manus vaxallorum et opidorum ecclesie Caminensis, quo facto relaxentur censure ad sex menses computandos a die depositionis predicte ob spem concordie et, si non concordaverint, reincidant. O.

Datum Florentie 10. kal. sept. anno 2.