Universis etc. Ludovicus etc.

Ad universitatis etc., quod dominus Johannes episcopus Roskildensis pro parte prime partis sui communis servitii, in quo camere apostolice sub certis penis et sententiis ac termino dudum elapso tenebatur, prout tenetur, efficaciter obligatus, 70 fl. auri de camera ipsi camere, domino Antonio episcopo Senensi domini nostri pape thesaurario pro ea recipiente, per manus providi viri Bartholomei de Bardis mercatoris Florentini die date presentium solvi fecit realiter et cum effectu.

De quibus sic solutis etc. tenore presentium quitamus.

Et insuper eundem dominum episcopum a suspensionis excommunicationis ac interdicti sententiis et reatu perjurii, quem et quas incurrit propter defectum solutionis in termino ei prefixo non facte, absolvimus per presentes, secumque super irregularitate, si quam premissorum occasione contraxerit etc., dispensantesA.

Verum intellecta mole gravaminum pro parte dicti domini episcopi coram nobis exposita, que ipsum ad solvendum residuum dicte integre prime partis communis et minutorum servitiorum familiaribus et officialibus domini nostri pape debitorum reddebant hactenus, prout adhuc reddunt, verisimiliter impotentem, terminum faciende solutionis residui hujusmodi auctoritate nobis in hac parte incumbenti usque ad quinque menses proxime futuros a die date presentium inantea computandos tenore presentium prorogamus et de novo assignamus eidem, ita tamen, quod, si in termino sibi de novo constituto in solutione dicti residui defecerit, penis et sententiis, quibus antea ligabatur, sit astrictus, ipsumque in easdem reincidere declaramus per presentes.

In quarum etc.

Datum Florentie die 30. mensis oct. sub anno 1419 indictione 12. anno 2.