.. Cum .. Johannes episcopus ecclesie Roskildensis nonnulla pacta, tractatus, conventiones et promissiones incaute fecerat, que servata in detrimentum anime sue dicteque ecclesie prejudicium, dampnum et lesionem vergi dinoscuntur, supplicat igitur s. v. dictus Johannes episcopus, quatinus ipsum ab omnibus pactis, tractatibus, conventionibus et promissionibus hujusmodi cum quibuscumque personis ecclesiasticis vel secularibus, cujuscunque status fuerint, etiam si regali vel reginali prefulgerent dignitate, initis sive factis, etiam si .... juramento aut fidei vel fidejussorum datione interposita seu scripturarum publicarum vel privatarum aut sigillorum quorumcumque munimine seu quacumque corroboratione alia sint firmata, etiam si super castro et opido Hafnensi Roskildensis diocesis et ipsorum castri et opidi pertinentiis et adjacentiis seu quibuscunque bonis, terris, possessionibus, castris, prediis rusticis vel urbanis, censibus et proventibus ad ipsam ecclesiam Roskildensem seu mensam episcopalem ejusdem qualitercunque pertinentibus aut alias eorum occasione inita et facta forent, de benignitate sedis apostolice misericorditer absolvere pactaque, tractatus, conventiones et promissiones juramentaque ac fidei et fidejussorum dationes hujusmodi et quecumque inde secuta penitus et omnino relaxare, et nichilominus eadem, quatinus de facto processerunt, annullare ac cassa, irrita atque nulla ac nullius existere firmitatis dignemini declarare signante manu s. v. beatissima.

Fiat et absolvimus. Fiat et committatur in curia. O.

Datum Florentie 7. kal. febr. anno 3.