Vruntliken grut vnd wes wij gudes vormogen tovoren.

Ersamen leuen vrundes.

Wij begeren iuw weten, dat vnse vrundes to hus komen sin vnd hebben der brutlacht enen gantzen ende, also dat de brutlacht schal wesen bynnen Lubeke vp sunte Johans dach to middenzomere erst kometA.

Hijrvmme so bidde wij jůw, leue her Hinrik, dat gij van stunden an spreken mit deme manne, dar gij vns aff seden, mit deme gij geredet hadden tor Arnsboken, vnde mit eme een werden, effte he dat don kone, dat he sik darto berede vnde kome yo vppe desse vorscreuene tijd, sunte Johans dach, to desser brutlacht to Lubeke, vppe dat wy eme herberge mogen bestellen.

Vnde wes iuw hirinne weddervaret, verscriuet vns vnuortogelik jůwe antworde.

Gode sijd beuolen.

Screuen vnder vnsen secret, des mandages vor vnses Heren licham dage, anno M^o CCCC XX^o.

Consules Lubicenses.