Unsern demutigen gar willligen gehorsam alzeit bevor.

Erwirdiger, gnediger lieber her meister.

[.....]

Dar haben uns die vurgenanten sendeboten uns und unsern gebietigern vurgebracht einen vorsiegelten brief des grossen koninges von Moskau und der von Grossin Nogardin mit irer beider teil angehangenen ingesiegeln, welchen brief wir haben lossin us setzen uf Deutsch von worte zu worte, als der im Reuschen is gelegen, und senden euwir gnaden darvon eine abeschrift hirinnen vorslossin, die euwer gnade wol mag vornemen, in deme sie von uns weder begerende weren, das wir in unsern brief uf den sin wolden wedergeben vorsiegelt und den iren beholden, des uns keinerleie wiis stehet zu thuende, umbe mannigerleie artikele willen, die in dem brief sein begreffen, die wir mit nichte geholten mogen, noch konnen. Wente wie mochte wir sie veligen weder unsern gnedigen herren, koning von Denemarken.

[.....]

Gegeben zu Rige, crastino decollationis beati Johannis Baptistae, anno XX^mo.

[.....]

Gebietiger Deutsches ordins zu Liefflande.