Omnibus presens scriptum cernentibus Johannes Hemmingi sacrista ac perpetuus vicarius in ecclesia Roskildensi salutem in domino ♦

Noveritis me ex consilio et consensu venerabilis capituli Roskildensis reverendo in Christo patri ac domino domino Johanni dei gracia episcopo Roskildensi et suis successoribus in eodem episcopatu bona mea ad vicariam altaris mei videlicet beati Nicolai in ecclesia Roskildensi spectancia totum videlicet opidum Bondorp juxta Skiby in provincia Hornsheret situatum . cum universis ejusdem opidi pertinenciis videlicet agris pratis pascuis humidis et siccis nullis exceptis quibuscumque censeantur nominibus ad mensam eorum episcopalem perpetuo possidenda tenorepresencium scotasse et libere assignasse in recompensam bonorum suorum episcopalium videlicet unius mansi terre in Sterkinge in Twnæheret situati in quo quidam Benedictus pronunc residet dans quatuor pund annone pro annua pensione que quidem bona michi et successoribus meis in predicti altaris vicaria idem dominus meus Roskildensis scotaverat jure perpetuo possidenda prout in litteris apertisN super hoc confectis plenius continetur ♦

Insuper obligo me et successores meos in memorata vicaria altaris beati Nicolai predicti ad hujusmodi permutacionem sic ex consilio et consensu predicti venerabilis Roskildensis capituli ut premittitur factam irrevocabiliter observandam ♦

In cujus permutacionis testimonium et evidenciam firmiorem sigillum meum una cum sigillo dicti venerabilis capituli presentibus est appensum ♦

Datum anno domini m^ocd^o vicesimo primo sexta feria proxima ante dominicam Letare Iherusalem ♦