Unsen fruntliken grut und wat wi gudes vormogen to juwer behegelicheit tovorn.

Ersame heren und besunderlinges guden frunde.

Juwen bref, an uns gesand, inholdende van den Russchen boden, bi ju gewesen etcetera, hebben wi gutliken untfangen und wol vornomen, und wi hebben dessulven breves utscrift mid unseme guddunkend vort gescreven und gesand an de heren van der Rige, begerende dat an de heren van Lubeke und Gothland to scrivende und dar ernstliken mit andern steden umme also to sprekende, dat de Russen und ere gud to rechter scheringe kome, umme mer unmodes und vordretes to vormidende etcetera.

[.....]

Gescreven under unsem secrete.

Datum Judica etcetera.

Consules Tarbatenses.