Omnibus presens scriptum cernentibus Johannes Laxman decanus ecclesie Lundensis salutem in Domino ♦

Notum facio universis et presentibus et futuris me ex honorabili viro domino Johanne Pauli archidiacono Lundensis ecclesie et tutore ejusdem necnon venerabili capitulo ecclesie prenotate duas curias in Flethiæ sitas quas dominus Petrus Laxman miles bone memorie pater meus dilectus / pro anniversario suo / in ecclesia Lundensi quolibet anno tenendo ad fabricam predicte ecclesie legavit in extremisN ad dies meos pro annua pensione octo solidorum annone et unius solidi grossorum infra festum sancti Andree apostoli annuatim exsolvenda in conductum recepisse / sub condicionibus infra scriptis ut pro dicta annona singulis annis solvam pensionem pecuniariam secundum modum taxacionis prout annona in capitulo dicte Lundensis ecclesie fuerit estimata / et quod predictas curias edificem et familiam in eisdem habitantem servari faciam indestructam ♦ Me vero de medio sublato predicta bona cum eorum adjacentiis universis ad usus fabrice memorate Lundensis ecclesie absque reclamacione quorumcumque libere revertantur . ♦

In cujus rei testimonium sigillum meum una cum sigillo dilecti fratris mei Pauli Laxman armigeriA presentibus est appensum ♦

Datum Lundis anno Domini m^ocd^oxxiii^o infra octavam corporis Christi etcetera ♦