Omnibus presens scriptum cernentibus Kanutus dei gratia prior monasterii Dalbyensis salutem in domino sempiternam ♦

Notum facimus universis presentibus et futuris nos a nobili viro et discreto Thørberno Benedicti armigero / quinque lagenas butiri cum duabus marcis argenteis in bona moneta legali et dativa in festo nativitatis sancte Marie virginis integraliter sublevasse pro qua quidem pensione predictum Thørbernum Benedicti cum suis heredibus per nos et nostros successores quittum dimittimus et penitus excusatum ♦

In cujus rei evidentiam sigillum nostri prioratus presentibus duximus apponendum ♦

Datum anno domini m^o cd^o vicesimo tertio ipso die nativitatis beate Marie virginis etc.