Supplicat Petrus Jone clericus Roskildensis diocesis, quatenus sibi de canonicatu et prebenda ecclesie Roskildensis per obitum Johannis Mathei vacantibus, seu ad quos, licet possessionem eorundem tempore dicti obitus sui non esset consecutus, ut dicitur, jus habebat [fructus 5 mr. distributionibus cotidianis non computatis], .. sive premisso sive alias quovismodo .. vacent, aut lis super ipsis in Romana curia aut extra inter quascunque personas et presertim inter predictum quondam Johannem ac Nicolaum Ragwaldi decanum Strenginensem ... pendeat indecisa, dignemini providere, non obstante perpetua vicaria ecclesie Arosiensis, de qua sibi concessum sit auctoritate apostolica provideri, cujus possessionem non habet [fructus 6 mr.].

Concessum.

Datum Rome 16. kal. jan. anno 7.