Vacante prepositura ecclesie Roskildensis per promotionem magistri Olavi .. ad ecclesiam Arosiensem a s. v. factam, .. Johannes Petri canonicus prebendatus dicte Roskildensis ecclesie preposituram predictam auctoritate ordinaria sibi collatam extitit assecutus, prout eam hodie possidet pacifice.

Dubitat tamen collationem et assecutionem predictas ex certis causis, presertim reservationibus apostolicis sibi obsistentibus, viribus non subsistere.

Supplicat igitur .., quatenus sibi gratiam facientes specialem ipsumque ab omni inhabilitatis macula, si quam occasione premissorum contraxerat, penitusA absolventes ac alias habilem facientes, de prepositura predicta, que dignitas curata et electiva existit [fructus 15 mr.], eidem Johanni dignemini providere, non obstantibus predictis canonicatu et prebenda [fructus 6 mr.], quos obtinet.

Fiat. O.

Datum Rome pridie non. jan. anno 7.