Omnibus presens scriptum cernentibus . Laurencius Nicolai dictus [R]oodde villan[us] in Skiiby salutem in domino sempiternam . ♦

Noverint universi presentes et futuri quod rec[o]gnosco me vir[o dis]creto et honesto Andree Clementis [v]illano Haffnensi latori presencium fundum meum mihi jure heredit[ario] post mortem parentum meorum pie memorie legaliter advolutum in parochia s[ancti] Petri in Nørregade Haffnis inter curiam ecclesie sancti Petri spectantem in qua quidam Haquinus [s]artor pronunc residet et curiam cujusdam Johannis Magni [conti]gue situatum pro vigintiquatuor marchis argenti bone monete et dative vendidisse perpetuo possidendum ♦

Unde obligo me meo[s]que heredes dicto Andree Clementis et heredi[bus] suis dictum fundum cum omnibus pertinenciis suis videlicet longi[tudine] et latitudine nullis penitus excep[ti]s liberare appropriare et disbrigare totaliter per presentes sine con[tradicc]ione quorumcumque . ♦

In cujus rei testimonium sigillum meum una cum sigillis virorum discretorum scilicet domini [A]sceri Johannis presbiteri perpetui vicarii in ecclesia Haffnis Laurencii [Wi]n[ne]re et Nicolai Jnguari consulum H[aff]fnis presentibus est appensum . ♦

Datum Haffnis anno domini m^ocd^oxxiiii^o dominica medie quadragesime ♦