Joannes, Dei et apostolicæ sedis gratia episcopus Lubec. ad perpetuam rei memoriam.

Injunctum nobis pastoralis officii onus nos sollicitat, ut illa, quæ divini cultus augmentum respiciunt, quantum cum Deo possumus favorabiliter admittamus.

Sane venerabiles et circumspecti viri, domini, Bertoldus Dives, Lubec. et Nicolaus Sachovv, Slesvvic. ecclesiarum præpositi, bonæ memoriæ quondam Johannis Hertze, canonici sancti Petri extra muros Maguntinens. testamentarii, sive ultimæ voluntatis illius executores cupientes ... unam novam perpetuam vicariam in honorem et sub vocabulo gratiosæ virginis Mariæ, et sanctarum Katharinæ et Barbaræ, juxta dicti quondam Joannnis ultimam voluntatem erigere, fundare instaurare et dotare dignaremus. ...