Minen underdanighen denst to allen tyden.

Wetet gnedighen heren hertich Hinrik, hertich Alleff und hertich Gherd, hertoghe to Sleszwick und greven to Holsten, dat jk Joachim Breide juen gnaden witlik do und kundeghe de losinghe in juwen hove und stad Oldenborch, bidde ik juwe gnade und beghere, dat ju mi gheven min gheld to den tyden also min breef uthwiset, de ik uppe den vorbenanten hoff und stad hebbe.

Des to tüghe hebbe ik min jngheseghel ghehenghet vor desse breef.

Gheven und ghescreven na Godes bort veerteinhundert jar darna in dem soszundetwintighesten jare in Sunte Peters avende in der vasten.