Universis presentes literas inspecturis Benedictus de Guidalottis legum doctor apostolice camere clericus reverendi in Christo patris domini Francisci miseratione divina archiepiscopi Narbonensis domini pape Camerarii in Camerariatus officio locum tenens salutem etc.

Universitati vestre notum facimus per presentes, quod cum reverendus in Christo pater dominus Ulricus dei gratia epicopus Arusiensis in Dacia teneatur singulis trieniis Romana curia citra montes existente sedem apostolicam sive limina beati Petri et Pauli apostolorum visitare, per honorabilem virum Martinum Sparg clericum Ripensis diocesis procuratorem suum ad hoc legitime constitutum pro uno triennio nunc currente die septima mensis Junii anni nativitatis domini millesimi cccc xx iiii^ti incepti et ut sequitur finiendo die dat. presentium tempore debito sedem ipsam et limina cum devotione debita visitavit, nichil tamen idem procuratione visitationis huiusmodi eidem camere obtulit seu servivit.

Et insuper eundem dominum Ulricum episcopum ab excommunicationis ac reatu periurii penis et sententiis, si quas ob moram retardate visitationis huiusmodi incurrerit, tenore presentium absolvimus et reddimus absolutum, secumque super irregularitatis macula, si quam etiam occasione premissorum celebrando divina vel immiscendo se illis non tamen in contemptum clavium contraxerit, misericorditer dispensando.

In quorum testimonium presentes literas fieri et sigilli Camerariatus officii supradicti quo utimur fecimus appensione muniri.

Datum Rome apud sanctos Apostolos sub anno a nativitate domini millesimo cccc^o xx^o vi^o, indictione iiii, die xx^a i^a mensis Decembris pontificatus vero sanctissimi in Christo patris et domini nostri domini Martini divina providentia pape quinti anno decimo