Wettet jrluchtede h{oe}cheborne f{oe}rste her Erik der ryke / Denemarken Sweden Norwegen der Wende vnde Gotten koningk vnde hertoge to P{oe}meren dat wy borgermestere rad vnde borgere gemeynliken vnde jnnewonere der stad Gottingen mit vnsen helperen willen juwe juwer ryke vnde juwer ryke vndersaten vnde jnnewonere wu me de ben{oe}men mach vygende wesen vmme der ersamenen heren vnde vnser fründe der rede vnde borghere der stede willen Lubeke H{oe}mborch Rostok Stralssünd Luneborch vnde Wysmar vnd dar vmme dat gy den copman der dudesschen hense dar we mede toh{oe}ren swarliken beschedighet vnde vor vnrechtighet hebben vnde de juwe beschedigen vnde vorvnrechtigen laten jn juwen ryken vnde beden teghen priuileygia vnde wontheyde de van juwen vorvaren gegheuen vnde beseghelt vnde van jü suluen gestedeghet syn ♦

Vnde we willen des alle vnde vnser eynen iowelk bysunderen mit vnsen helperen vnse ere an gyk vnde den juwen to guden tijden wol vorwaret hebben ♦

Dusses to bekantnisse is vnser stad secret to rugehalue gedruckt an dussen breff ♦

Gegheuen naA der bort Cristi verteynhündert jar vnde dar na jn deme seuen vnde twintigesten jare an middeweken na Oculi mei inder vasten ♦