Wetet jrluchtede hochgeborn ffurste . her . Erik der rike Dennemarken Sweden Norwegen der Wende vnde G{oe}tten koning vnde hertoge to Pomeren dat wij borgermestere rad vnde borgere gemeynliken vnde jnnewonere der stad to Hildensem myt vnsen hulperen willen juwe juwer rike vnde juwer rike vndersaten vnde jnnewonere wo me de benomen mach vigende wesen vmme der ersamen heren vnde vnser vrunde der rede unde borgere der stede willen Lubeke Hamborch Rostike Stralssund Luneborch vnde Wysmer etcetera vnde dar vmme dat gi den kopman der dudeschen henze dar wij mede to horen swarliken beschediget vnde vor vnrechtighet hebben vnde de juwenA beschedigen vnde vor vnrechtigen laten jn juwen riken vnde gebeden tigen priuilegia vnde wonheide de van juwen vorvaren gegeuen vnde besegelt vnde van iů suluen gestediget sin \ ♦

Vnde wij willen des alle vnde vnser jowelk bizunderen myt vnsen hulperen vnse ere an gik vnde den juwen to ghuden tijden wol vorwaret hebben ♦

Desses to bekantnisse is vnser stad secrete gedrucket neden uppe dessen breff / ♦

Gegeuen na der gebort Cristi verteinhundert jar dar na jndeme seuenvndetwintigesten jare des middewekens na Oculi mei jnder vasten ♦