Wissit erluchtige hochgeborne ffurste here Erich der ryche Denemarck Sweden Norweyen der Wenden vnde Gottin konyng vnde herczoge zcu Pommern das wir burgermeystere rad vnde burgere gemeynlich vnde jnwanere der stad Merszeburg mit vnsirn hulffern wollin juwe uwer uwer ryche vnde uwer ryche jnwanere vnde undirsassen wy man die ben{ue}men mag fygende syn vmme der ersammen heren vnde unszir frunde der rethe vnde burgere der stete willin Lubeck Hamborg Rostok Stralessund Luneborg vnde Wismar etcetera vnde dar vmme das ir den kouffman der duczschen hense dar wir mit zcu gehoren swerlichen bescheddigit vnde vor vnrechtigit habit / die uwern bescheddigin vnde vorvnrechtin lasset in uwern rychin vnde gebeyten keygen priuileygia vnde gewanheit die van uwern forfaren gegebin unde besigilt vnde von uch selbist bestetigit sint ♦

Vnde wir wollin des alle vnde vnsir eyn iczlich besundern mit vnszirn hulfern vnszir ere an uch vnde den uwern czu guten geczijten wol bewart habin ♦

Dez czu bekentnisse ist vnsir stad secred gedruckt uff dissen briff uppe dessen breff der gegebin ist noch Cristi gebort virczenhundirt jar dar noch in deme sibinvndeczwenczigistin jare an der mittewochen noch Ouculi ♦