Wisset erluchtige hochgeborne furste . herre Erich der riche Denemarken / Swedin Norweyen . der Wende vnde der Gottin koning vnde herczoge czu Pommern / daz wir radmanne jnnungismeistere vnde burgere gemeinlich vnde jn wonere der stad Halle mit vnsern hulfern willen uwer / uwer riche vnde uwer riche jnwoner vnde vndirsassin / wy man dij ben{oe}men mag fyende sin / vmme der ersamen heren vnde unsir frunde der rethe vnde burgere der stete willen Lubeck / Hamborg Rostok Stralissund / Lunenborg vnde Wismar / etcetera vnde dar vmme daz ir den koufman der duczschen hense / dar wir met czu gehoren swerlichen beschedigit vnde vor vnrechtighen habit / vnde dij uwern beschedigen vnde vor vnrechtigen laszit in uwern richen vnde geleyten kegin priuilegia vnde gewonheit / dij von uwern vorfarn gegebin sint vnde besigelt / vnde von uch selbis bestetigit sint ♦

Vnde wir wollen dez alle vnde vnsir eyn iczlich besundern mit vnsern hulferen vnsir ere an uch vnde den uwern czu guten gecziten wol beward habin ♦

Des czu bekentnisse ist vnser stad secret gedruckt uff dissen briff der gegebin ist nach Cristi gebord virczenhundert iar dar nach jndem sebinvndeczwenczigstn iare an der mitwochen nach Oculi ♦