Beradtslaget vnde beslosszen dorch vnsen heren den cardenal von Engellant, vnses helgen vaters dez pauestes legaten, vnse heren dy kurfursten vnde ander fursten, geistlikh vnde wertlich, fursten vnde heren botdschafte, prelaten, greuen, heren, rittere vnde knechte, dy vff den tag czu Frankenfurt uff den suntag noch sente Martins tag neyst vorgangen by enander gewesin sint, wy men den hussen vnde den keczeren zu Behemen widdersten moge, dy keczere czu thilgende vnde vszczuradinde.

.....

Ouch sullin dy koninge von Denemarg, Sweden, Norwegen vnde von Polen, herczoge Vitolt, der herczoge von Poemeren, alle herczogen in der Slesie vnde andere alle herczogen vnde darczu alle herczebischoffe, epte, ebdischen, prelaten, phaffeit, grauen, heren, rittere vnde knechte, stete, margkete, dorffere, lande vnde ander, sy sin geistlich adder wertlich, wye dy danne namen hebbin, in den vorgenanten koningrichen, erczebischoftumen, herczogtumen, bischoftumen, herschaffen vnde landen gesesszin vnde darin vnde darczu gehoren, sullen alle sullich vorgeschrebin gelt jn iclicheme bischoftume, stad, margt adder dorffer den, dye darczu gesast sin daz inzufordernde vnde czu nemende, antworden, sulben sullen danne daz in vorgeschrebin massze furbasz geyn Breslae antworden den sessen, dy daczu gegebin vnde gekoren sint, adir dy mereren teil vnder en, dy daz och alles beholden vnde vszgebin sullen in masszen, also vorgeschrebin sted.

.....

Gegebin czu Frankenfurt of den dinstag noch sente Andreas tage des heylgen aposteles sub anno domini millesimo quadringentesimo vicesimo septimo.