Pave Martin 5. bekræfter Tvilum klosters privilegier og besiddelser, bl.a. sognekirkerne
Gjern og Ladegård, som blev givet til klostret af biskop Gunner af Ribe ved grundlæggelsen.
Klostret er plaget af adskillige der er fjendtligt stemt over for det, og som har
bevirket at klostret ikke frit kan nyde sine besiddelser og privilegier vedrørende
fyrremarkssager af dets undergivne.
Cum prepositura monasterii b. Marie virginis in Twilom
canonicorum regularium sub regula s. Augustini Arusiensis diocesis degentium zelo devotionis
per quendam Gunnarum olim episcopum Ripensem
in salutem anime sue et parentum suorum constructa et dotata fuisset, que monasterio
Dalbiensi eiusdem ordinis Lundensis
diocesis immediate subjecta existeret, assignatis per eundem episcopum bonis de propriis
sumptibus, unde sustentarentur, etiam ad hoc donatis libere pariter et unitis duabus
parrochialibus ecclesiis, videlicet Gerenedh et
Lathegarth, quarum una pro fundatione loci, altera pro
victualibus et necessariis canonicorum eiusdem, parrochianis earundem tunc
consentientibus, per episcopum Arusiensem tempore, quo fuit electus dicte ecclesie
Arusiensis, ad augmentationem divini cultus eiusdem monasterii, et deinde per
archiepiscopum metropolitanum tunc temporis existentem dicta constructio et dotatio
de
prefati episcopi et capituli sui Arusiensis consensu
<fuit> approbata, que quidem prepositura dicti monasterii b. Marie virginis in primeve sue
fundationis tempore multis privilegiis per prelatos reges et principes eidem monasterio
et
prepositure indultis super causis XL marcharum et infra de inquilinis suis rusticis
familiis servitoribus et colonis ratione delicti multandis et tailliandis gauderet
pacifice.
Verum tractu temporis incepit dicta prepositura propter aliquos † juris et
monasterii emulos multas injurias sustinere, prout et adhuc hodiernis temporibus sustinet,
in suis bonis, et dictis privilegiis gaudere non potest, ut de jure deberet. Ut igitur
concessio privilegiorum dicto monasterio indultorum firmius existeret et ipsis privilegiis
melius gaudere possent, supplicat dictus conventus Tvilensis, quatenus huiusmodi
privilegia ex certa scientia dignemini confirmare.
Fiat et exhib[eatur]. O.
Datum Genezani Penestrine diocesis 13. kal. aug. anno 11.
I perioden frem til 30. juni 2021 vil redaktionen udelukkende udarbejde
tekster.
