S. v. Hinrico Scriptoris clerico Slesvicensi de perpetua vicaria parrochialis ecclesie in Miltstede Slesvicensis diocesis tunc vacatura concessit provideri, prout in supplicatione desuper signata .. plenius continetur; verum in ipsa supplicatione, quod Hinricus in 22. vel circa sue etatis anno constitutus extitit, exprimere ac dispensationem super hujusmodi etatis defectu petere ex inadvertentia est omissum.

Et, ne propterea ipse Hinricus hujusmodi gratie frustretur effectu, supplicat dictus Hinricus, quatenus secum, ut, dicto etatis defectu ... non obstante, prefatam vicariam, si dicte gratie vigore sibi conferatur, recipere et retinere libere valeat, dispensare necnon juxta hoc litteras apostolicas super prefata supplicatione conficiendas expediri mandare dignemini ... Et sub prima data.

Concessum. G. Conseranensis.

Datum Rome apud ss. Apostolos 16. kal. martii anno 12.