Supplicat Nicolaus electus Slesvicensis apud sedem apostolicam constitutus, et qui in manibus domini A[lfonsi] cardinalis s. Eustachii fidelitatis debite solitum prestitit juramentum, quatenus sibi, in minoribus dumtaxat ordinibus constituto, ut a quocunque seu quibuscunque maluerit episcopo vel episcopis aliquibus diebus dominicis aut festivis etiam extra tempora a jure statuta omnes sacros ordines et ab uno ex eisdem episcopis vel alio catholico episcopo munus consecrationis suscipere, necnon eisdem episcopis, ut ordines et munus hujusmodi sibi impendere libere possint, facultatem concedere dignemini.

Concessum, si sit artatus et littere fuerint confecte. G. Conseranensis.

Datum Rome apud ss. Apostolos 5. kal. martii anno 12.