Hermanno RunbekyA electo Vibergensi.

Romani pontificis (quem pastor ille celestis et episcopus animarum potestatis sibi plenitudine tradita ecclesiis pretulit universis plena vigiliis solicitudo requirit ut ipse circa cujuslibet statum ecclesie sic vigilanter excogitet sicque prospiciat diligenter quod per ejus providentiam circumspectam ecclesiis singulis pastor accedat ydoneus et rector providus deputetur qui populum sibi commissum salubriter dirigat et informet ut ecclesie ipse superni favoris auxilio suffragante votive prosperitatis successibus gratulentur)A.

Dudum siquidem, Lagone episcopo Vibergensi regimini Vibergensis ecclesie presidente, nos provisionem ipsius ecclesie dispositioni nostre duximus ea vice specialiter reservandam .... Postmodum vero, prefata ecclesia per ipsius Lagonis obitum pastoris regimine destituta, nos .... (etc., mutatis mutandis = DD 1401. 26. mar., nr. 14010326001) ad te prepositum ecclesie Ottoniensis in sacerdotio constitutum ..., pro quo capitulum ejusdem ecclesie Vibergensis nobis super hoc supplicarunt, direximus oculos nostre mentis [ac] dictorum capituli te postulantium concordi voluntate attenta de persona tua eidem ecclesie Vibergensi providemus.

Datum Ferentini 7. kal. sept. anno 12.

Simili modo Capitulo ecclesie Vibergensis. Clero civitatis et diocesis Vibergensis. Populo civitatis et diocesis Vibergensis. Universis vassallis ecclesie Vibergensis. Archiepiscopo Lundensi. Erico Dacie Svecie et Norvegie regi.