Omnibus presens scriptum cernentibus Nicholaus Erici in Aasleff armiger salutem in domino sempiternam ♦

Noverint universi presentes et futuri quod recognosco me viro nobili Petro Andree dicto Griis armigero in viginti quatuor marcis argenti in bonis argenteis Nestwedensium sterlingis ita quod quilibet sterlingus tres argenteos Lybicenses comparatur et ponderatur teneri veraciter obligatum ffesto beati Martini jam proxime affuturo integraliter persolvendis tali condicione quod si predicta summa denariorum sibi infra prefixum terminum non fuerit persoluta extunc sibi bona mea videlicet unam meam curiam in Gerlowe in Løveheret sitam quam quidam Olaus Røøth pronunc inhabitat ex qua duo talenta annone cum dimidio . cum duobus solidis grossorum pro annua pensione solent dari . cum omnibus suis adjacenciis humidis et siccis nullis penitus demptis inpignero per presentes sub tali condicione quod predictus Petrus Griis fructus et pensiones de predicta curia vel heredes sui interim sublevet vel sublevent annuatim in sortem principalis debiti minime computendos (!) donec predicta curia / ab ipso vel suis heredibus per me vel meos heredes in prescripto termino pro predicta summa pecunie legaliter redimatur ♦

Insuper obligo me et meos heredes sibi et suis heredibus predictam curiam appropriare et disbrigare ab inpeticione quorumcumque secundum leges terre donec ut premissum est legaliter redimatur ♦

In cujus rei testimonium sigillum meum una cum sigillis virorum nobilium discretorum videlicet Thorberni Johannis in Brengsthorp Johannis Andree in Biltzæ Johannis Thorberni . et Johannis Laalæ in Alstethæ armigerorum presentibus est appensum ♦

Datum anno domini m^ocd^ovicesimo nono die beati Martini episcopi ♦