Dudum s. v. Marquardo de Stiten clerico Lubicensi de canonicatu et prebenda ac prepositura, que dignitas major post pontificalem ac curata et electiva existit ecclesie Ottoniensis, qui tunc per promotionem domini Hermanni nunc episcopi Vibergensis ad ecclesiam Vibergensem per s. v. factam et munus consecrationis sibi impendendum vacare sperabantur, gratiose concessit provideri.

Verum idem Marquardus, qui certis obsistentibus sibi impedimentis litteras apostolicas super dicta concessionis gratia confici et expediri non fecit, dubitat tempus expeditionis litterarum earundem lapsum fore vel saltem labi in brevi.

Quare, et cum interim actualis ipsorum canonicatus et prebende ac prepositure vacatio per munus eidem episcopo tunc electo extra Romanam curiam impensum vel per lapsum temporis de consecrandis episcopis a canonibus diffiniti supervenisse dicitur, supplicat, quatinus sibi de canonicatu et prebenda ac prepositura predictis [fructus 24 mr.] dignemini de novo providere non obstantibus (etc., som DD 1429. 24. sep., nr. 14290924002).

Fiat. O.

Datum Rome apud ss. Apostolos 4. id. junii anno 13.