Omnibus et singulis ad quos presentes contigerit devenire Jacobus Petri cantor Lundensis salutem in Domino ♦

Notumfacio universis me ex consensu et voluntate venerabilis capituli Lundensis ostensori presencium Johanni Nicolai armigero et uxori sue Helene omnia bona mea in Hesleberghe cum omnibus suis pertinenciis videlicet agris pratis silvis molendinis humidis et siccis nullis exceptis quibuscumque nominibus censeantur ad dies suos in conductum dimisisse tali condicione prehabita . ut decem et octo solidos grossorum legalis et dative monete die nativitatis beate Marie virginis sine ulteriori protraccione racione pensionis annuatim exsolvant ipsaque bona nichilominus sine destruccione familie libere retinebunt . ♦

Ipsis vero ambobus de medio sublatis supradicta bona cum edificiis et pertinenciis quibuscumque prout tunc inventa fuerint ad manus meas sive successoris mei libere revertentur . ♦

In quorum evidenciam sigillum venerabilis capituli Lundensis supradicti unacum sigillo meo presentibus est appensum ♦

Datum Lundis anno domini millesimo quadringentesimo . xxx^o . feria sexta proxima post festum beati Michaelis.