Anno Domini 1431 feria secunda post letare domini nunccii consulares civitatum terre Prusie infrascriptarum, videlicet: de Thorun Johannes Huxer, Jaspar vom Hofe; de Elbingo Henricus Halbwachszen, Hinricus Palborn, Johan Sunnenwaldt; de Koningsberg Reymer Bilandt, Bertold Huxer; de Danczik Peter Holtczte, Bertold Burammer, in Stuem ad placita congregati, infrascripta tractaverunt.

<1> Primo haben die stete unsirm hern homeister vorbracht dy sache, darumme dy stete under enander sich vorbotet haben, also von der tagefahrt, dy dy zeestete gehalden haben, dy mit dem hern koninge czu Dennemarken czu tage gewest seyn, und von dem handel und abescheyden, alse dy sachen czwisschen beyden teylen gehandelt und gebleben seyn, do von eyn iczlicher, der czu tage hir gewest is, usrichtunge mag gehort haben, und ouch durch schriffte der von Danczik in vorczeiten vorkundiget ist. So das dy stete dis landes vorgeschreben dy sach under en haben gehandelt und ir allir gutdunken ist, das is nutcze und notdorfft ist, das dis landt by den hensesteten blibe und dornoch erbeite, das dis landt und dy stete und dy gemeyn hense by alderA privilegien und freyheydt in dem koningrikeA czu Dennemarken moge blyben. Und haben forder unsirm hern homeister vorgelegt und gebeten, ab dy selben sechs stete, dy den krig haben angehaben, die anderen stete von der Deutschen hense mittenander vorboten wurden ummeA rath und wiisze mit en czu haben, und ab dy etw{ae}s eynen und vor das beste czu behaldunge der hense privilegien und freyheydt erkennen und vorramen wurden, das dy stete dis landes sich denne darinne geben muchten etcetera. Darczu unsir herre homeister geentwert hat, das im derselbe rath nicht {oe}bil gevellt, und wil is by im halden und mit etlichen synen gebittgeren dovon reden, und binnen korcz den steten eyn entwert dovon vorkundigen.

[.....]