Dudum Nicolaus Petri presbiter, quandam perpetuam vicariam in ecclesia Ripensi obtinens, canonicatum et prebendam eiusdem ecclesie, de Janua nuncupatam, in eadem tunc per liberam resignationem Hartwici Eplijck in manibus Cristiani episcopi Ripensis sponte factam et per eundem episcopum admissa<m>A vacantes sibi collatos fuit assecutus et, postquam vicariam ac canonicatum et prebendam predictos aliquamdiu possedisset, timens illos juxta juris rigorem insimul obtineri non posse, propterea canonicatusA et prebendam prefatos in manibus predicti episcopi sponte resignavit.

Verum nunc a nonnullis asseritur ipsam vicariam cum canonicatu et prebenda predictis sive alia optata vel optanda prebenda juxta ipsius ecclesie statuta insimul obtinereA posse ipsosque canonicatum et prebendam per promotionem et munus consecrationis eidem episcopo extra [Romanam] curiam impensum etiam tempore sibi facte collationis huiusmodi vacavisse de presentique vacare, licet diversi alii ipsius ecclesie canonici illos auctoritate ordinaria sibi collatos postmodum fuerint pacifice assecuti.

Quare supplicat prefatus Nicolaus, quatinus sibi de eisdem canonicatu et prebenda [fructus 3 fl. auri de camera] dignemini providere, non obstante quod dictus Nicolaus prefatam vicariam [fructus 1 ½ mr.] obtinet, et cum eadem ad aliam prebendam juxta ipsius ecclesie statuta adoptare valeat.

Fiat. G.

Datum Rome 5. id. aprilis anno 1.