Wir von Gottes gnaden Alff und Gerdt, herzogen zu Schleswig, greve to Holstein, Stormarn und to Schawenburg, bekennen und betügen apenbar an desseme breve vor alle de genen, de ehm sehen edder hören lesen, dat mit unser wittligkeit und vollborth, de wy vor uns und unse erven vnd nakamlinge dartho geven hebben und geven in macht disses brefes, unsern treuen lüden und menheit in unsern dorpern Osterhusum und Westerhusum wahnhafftig, sich mit aller eindracht ehren erven und nachkomlingen in tokammenden tyden jnwahnern der vorschreven unser dorpern, ehre stande erve, ligende grunde, und de stede und grunde, darup se wahnhafftig sint, mit allen tobeherunge rechtligcken und redlicken des donnersdages vor pfingsten, up dem dinge to Husum sunder wedderspracke vor unserm vogede Heinrich Rixstorpen apenbahr hebben verpflichtet und schuldenern macket in allen articuln und stücken und in allerwissz alse hierna stehet:

Also dat se alle jahr to ewigen tyden scholen geven dem kerckherrn to Mildstede und sine nakomlinge to der capellen, de de vorstehers unser lüde menheit in des würdigen, heiligen creutzes und hochgelavede jungfrauen, Magede Marien und S. Lamberti, des heiligen bischops ehre buwen und setten willen, 20 mark lübsch pennige jährlicher renten, alse to Lübeck und Hamburg gange und geve sind und dar ein gude mann dem andern in dem lande to Holstein mede vol dohn mag, alle jahr up S. Martens dag ohne vortog in redem gelde tosamende an einer summen wol to betalende.

[.....]

Des to grotern wydheit dieser vorschreven stücke hebben wy Alff und Gerdt hertzoge und greve unse jnsegel mit willen henget laten an diesen breff.

Na Gades borth 1431 jahr des sontags na pfingsten etcetera.

Alff und Gerdt.