S. v. nuper gratiose concessit, ut in quodam fundo, solo et campo per regem Dacie ad hoc donato tunc expresso domus cum ecclesia campana campanili et aliis necessariis officinis pro usu et habitatione fratrum ordinis b. Marie de monte Carmeli fundari posset.

Dignetur igitur s. v. fratribus in ipsa domo pro tempore moraturis, ut omnibus privilegiis, que aliis dicti ordinis domibus earumque personis quomodolibet competere et suffragari poterunt, pro tempore gaudere valeant, indulgere et secundum hoc apostolicas super petitione concessionis hujusmodi conficiendas litteras expediri mandare gratiose.

Concessum in presentia pape. B. Gradensis.

Datum Rome in presentia pape 17. kal. nov. anno 1.