Cum ecclesia parrochialis b. Marie in Wordingburg Roskildensis diocesis in suis edificiis maximam ruinam patiatur et sit adeo diminuta in suis redditibus propter guerras, quod minime posset reparari et breviter veniret totaliter in collapsum, nisi reparetur, in qua[m] quidem solet affluere ob reverentiam b. Marie virginis in festis ejusdem populi multitudo, quapropter dignetur s. [v.] omnibus vere penitentibus et confessis, qui in festis domini nostri Jesu Christi et b. Marie predicte annuatim ipsam ecclesiam devote visitaverint et ad reparationem ipsius manus porrexerint adjutrices, duos annos et totidem quadragenas usque ad viginti annos duratur[os], per festa vestre cancellarie dari consueta, de vera indulgentia concedere dignemini.

Concessum in presentia pape. B. Gradensis.

Datum Rome in presentia pape 7. kal. febr. anno 1.