[1432] Die 28. mensis martii Gobelinus electus Burglanensis personaliter obtulit camere apostolice et collegio cardinalium pro suo communi servitio debito fl. 66 auri de camera et duos tertios alterius fl. similis et quinque minuta servitia consueta pro familiaribus et officialibus domini nostri pape et dicti collegii, quorum medietatem infra octo menses proxime venturos et reliquam medietatem infra alios octo menses extunc immediate sequentes solvere promisit. Et dominus P. locumtenens tulit sententias excommunicationis in scriptis. Actum Rome in thesauraria apostolica ... Card. XII.