Cum Johannes Tuchonis canonicus ecclesie Roskildensis canonicatum et prebendam, quos in eadem ecclesia obtinet, ad manus v. s. resignare proponat, supplicat Canutus Michaelis magister in artibus canonicus ecclesie Arusiensis, quatinus alicui prelato mandare dignemini, qui hujusmodi resignationem admittat eaque admissa dicto Canuto de dictis canonicatu et prebenda [fructus 4 mr.] conferat et provideat de eisdem, non obstantibus et statutis et consuetudinibus dicte ecclesie Roskildensis et presertim illis, quibus caveri dicitur, quod nullus canonicatum et prebendam inibi assequi valeat, nisi de minori ad mediam et de media ad majorem gradatim et per optionem ascendat, non obstantibus etiam canonicatu et prebenda in ecclesia Arusiensi predictis [fructus 3 mr.].

Concessum in presentia pape. B. Gradensis.

Datum Rome in presentia pape 4. id. aprilis anno 2.