Vrentlike grote tovoren unde wes ik gudes vormach to allen tiden an de ersamen heren borgermester unde ratmane der stat Revele.

[.....]

Item so hebbe ik vornomen, dat de stede hir enen dach holden sallen kort na paschen, unde dar sal ok her Hinrik Hoiger komen van Homborch unde ander vangene van den Denen, de hebben secht, dat de konink enen dach holden wil mit den steden, of se des begerende sin.

Of ik anders gicht vorvaren kan, dat wil ik ju wal naschriven.

Nicht mer up desse tit, men sit Gode bevolen to ewigen tiden.

Geschreven to Lubeke int jar 1432, in passavende.

Hinrik van Ripen.