Wir Gerhardt hertzog to Sleszwig etcetera bekennen, daz wir unser gemaheln frowe Agnesen, margrefinn van Baden unde hertzogin zu Sleszwig, mit willen des hern Adolphs hertzogen to Sleswiig etcetera, unsern bruter, 400 rynsscher guldin van gelde, alse sie zu Franknfurt genge sind, zu ener morgengabe vorgeben, also dat sie die solben ire leptage alle jar van unserm zollen zu Gottorpe innemen sol, van allem gefalle, daz an den solben zollen gefellet, ungehindert; unde heissen wir unsen amptluten und zollener zu Gottorpe, daz sie unser gemaheln mit den 400 gulden alle jare, wann sie der begert, gewertich sin sollent.

[.....]

Wir Adolph hertzog zu Sleszwig etcetera vorsprachen bii unsern furstlichen eren die obgenant fruwe Agnese by diser morgengabe zu hanthaben.

Unser insigel.

[.....]

Geben an dem mantag nach dem heiligen uffart dag, ascensio dni. zu latin genant.