Boleslaus anders Switrigal von Gots gnaden groszfurste zu Lithawen und Rewssen etcetera.

Dem ehrw{ue}rdigen herrn herrn Pawel von Rusdorff homeister Deutsches Ordens unserm besundern lieben frunde, frundschafft mit merunge alles gutes.

Ehrw{ue}rdiger herr unser besunder lieber frunth.

[.....]

Hyrumb begeren wir ap ewer erwirdikeit mit den von Sweden adir Norweyen sich gefrunth habe, wenn sie den ebenampten von Grossnowogorod vil schaden und vorterb thuen und sie uns gebeten haben, das wir en dirlewben wollen, das sie sich en dirwerten und wir wollten yo en das nicht dirlewben, wir hetten denn vor ewer besandt erwirdikeyt, die uns vorschreyben wolle, ap jr mit denselben von Sweden und Norweyn jrkeyn fruntschaft adir vorbindunge habt, das wir wusten, wie wir en vorschreyben sulden.

[.....]

Gegeben zu Garten vom sonnabend in vigilia pentecostes anno MCCCCXXX Secundo.