Van Gots gnaden wii Alff unnde Gerdt hertogen to Sleszwigk etcetera bekennen unde betugen apenbar in desseme breve vor alszweme, dat wii Bundi Asemessone wonnafftich in Husebuherde unnde de stede, dar he nu uppe wonnet vor Flensborch in deme erbenomeden herde, unnde sin gud, dat he nu hefft in deme sulven herde, umme sines vordenstes willen, den he uns truweliken hefft bewiset, hebben vorlaten unde quiid unnde vry gegeven, geven unde vorlaten ene unnde sin gud erbenomed quiid unnde vry to der tiid sines levendes van allen denste van aller beschattinge van aller beswaringe wontlick unnde unwontlick.

Unde hebben des to tuge unse ingesegel hengen heten to desseme breve.

Datum anno Domini MCCCCXXXIII feria 2^a post circumsicionis Domini.