Cum Matthias Laurentii presbiter Burglanensis diocesis parrochialem ecclesiam s. Nicolai in Scheldorp ac preposituram ruralem in Wendelia invicem canonice unitas dicte diocesis, per obitum Nicolai Morsing vacantes, auctoritate ordinaria canonice extitit assecutus ipsarumque possessionem realem adeptus, dubitat tamen assecutionem hujusmodi viribus non subsistere.

Quare supplicat, quatenus sibi de ecclesia ac prepositura rurali predictis [fructus 16 mr.] dignemini de novo providere.

Concessum in presentia pape. B. Gradensis.

Datum Rome 4. non. febr. anno 2.