Vacante prepositura rurali in Wendlia cum annexa ecclesia parrochiali in Skeldorppe Burglanensis diocesis per obitum Nicolai Morsing, Mathias Laurentii eandem cum annexa auctoritate ordinaria, sede episcopali vacante Burglanensi, est assecutus.

Dubitat tamen collationem et assecutionem hujusmodi viribus non subsistere.

Supplicat igitur, quatenus sibi de dicta prepositura cum annexa [fructus 4 mr.], sive quovis modo sive [per] liberam resignationem cujusdam Olavi Nicolai clerici Vibergensis diocesis sponte factam vacet, dignemini de novo providere, non obstante prioratu conventus monialium in Huuntzlund, quem actu in commendam ad voluntatem ordinarii retinet gubernandum.

Concessum in presentia pape. B. Gradensis.

Datum Rome 4. non. martii anno 2.