Supplicat Johannes Tuchonis canonicus ecclesie Roskildensis, studens universitatis alme Urbis, quatenus sibi de cantoria dicte ecclesie Roskildensis, vacante per liberam resignationem cujusdam Johannis Brunekini in manibus ordinarii sponte factam [fructus 8 mr.], dignemini providere, non obstantibus canonicatu et prebenda predictis [fructus 4 mr.] ac ecclesia parrochiali in Skelskoor Roskildensis diocesis, canonicatu et prebenda in ecclesia collegiata in Hatherisloff Slesvicensis diocesis et perpetua vicaria altaris s. Laurentii in ecclesia Arusiensi [omnium fructus 8 mr.] necnon canonicatu et prebenda quindecim prebendarum in dicta ecclesia Roskildensi, cujus possessionem non habet [fructus 6 mr.].

Concessum in presentia pape. B. Gradensis.

Datum Rome 7. id. aug. anno 3.