Omnibus presens scriptum cernentibus vel audientibus Petrus Boecii canonicus ecclesie Roskildensis quondam possessor altaris sancti Georgii in eadem salutem in domino ♦

Universis presentibus et futuris notifico per presentes me a nobili viro domino Andrea Nicolai milite de Drothningholm plenam et integram pensionem de bonis antedicti altaris in Krægemmæ usque in hunc diem plenarie sublevasse ♦ Quare ipsum et suos heredes pro dicta p[en]sione quittos et liberos dimitto totaliter per presentes ♦

In cujus rei testimonium sigillum meum presentibus est appensum ♦

Datum Roskildis anno domini m quadragentesimo trecesimotertio die sancti Martini episcopi et confessoris.