Den vorsichtigen wisen borgermesteren unde rade to Lubeke, to Hamborch, to Luneborch unde to der Wismere, unsen leven besundern guden vrunden.

Angnes van Godes gnaden hertogynne to Sleszwik unde marggrevynne to Baden etc., wedewe.

Unsen grut tovoren.

Leven besunderen guden vrunde.

Also ju wol to wetende is van solliker dedinge, so twisschen unseme brodere, hertogen Alve, unde uns gedrepen is, alse van der veerdusent guldene wegene etc., des willent weten, dat uns alse ghisternen bodesschop komen is van unseme brodere, darby wii wol verstan, dat <uns>A sollikes uptonemende, ane rat unses broders unde anderer unser heren unde vrunde, nicht <is>A to donde, unde is uns ok sulven nicht to synne.

Also segge wii de dedenge up unde senden jw de n{oe}ttelen wedder, mer bidden jw, dat also hertogen Adolven to vorkundigende unde dat dat in solliker k{oe}rte gesehen mochte, de wile unses heren des keysers bode to Lubeke were.

Unde wollet hirinne don, alse wii jw des unde alles guden besunder wol getruwen.

Geven up den mandach na judica, anno etc. 34.