Universis sancte matris ecclesie filiis ad quos presentes litere pervenerint, Petrus dei gratia archiepiscopus Lundensis Svecie primas et sedis apostolice legatus Aslacus archiepiscopus Nidrosiensis Magnus Hildensemensis Johannes Roschildensis Naffno Otthoniensis Cristiernus Ripensis Johannes Asloensis Siggo Ska<r>ensisA Thomas Strengenensis Audoenus Stawangarensis Gerardus Burgla<n>ensisA Parda<m>usA Ratzeborgensis Johannes Werdensis Petrus Hamerensis et Severinus Ffarensis Hermannus Wibergensis eadem gratia ecclesiarum episcopi salutem et continuum caritatis incrementum ♦

Gratum deo obsequium impendere credimus quotiens fideles suos ad pietatis opera excitamus ♦

Cupientes igitur ut ecclesia beati Michaelis in civitate Ripensi congruis honoribus veneretur et a Christi fidelibus jugiter frequentetur omnibus vere penitentibus et confessis qui dictam ecclesiam causa devocionis peregrinacionis vel oracionis visitaverint missas aut alia divina officia in ea audierint corpus dominicum seu oleum sacrum dum infirmis portantur et reportantur secuti fuerint exequiis aut sepulturis mortuorum ibidem interfuerint cymiterium ejusdem ecclesie pro defunctis exorando contriverint, Ave Maria in serotina pulsatione campane more Romane ecclesie trina vice flexis genibus dixerint hiis etiam qui ad fabricam et ornamenta ejus melioranda manus quomodolibet porrexerint adjutrices quotiens premissa aut aliqu<o>dA premissorum devote fecerint totiens de omnipotentis dei misericordia et beatorum Petri et Pauli apostolorum ejus auctoritate confisi singuli nostrum xl dies indulgentiarum de injunctis eis penitenciis misericorditer in domino relaxamus.

Insuper nos Cristiernus Ripensis antedictus has indulgentias et singulas alias eidem ecclesie a quibuscunque rite et canonice concessas quantum cum deo et de <jure>A pot<eri>musA presentibus confirmamus.

Datum Wordingborgh anno domini m. cd. xxxiiii^o die divisionis apostolorum nostris sub secretis presentibus apparenter appensis.