Frater Laurencius ordinis st. Johannis Jerosolimitani in Anderschowe et dominus Johannes Hoveman, consul Lub., coram libro recognoverunt, se ex parte prioris in Anderschowe sublevasse et percepisse a Gerardo de Boeris, civi Lubicensi, XVI mr. den. lub., quas alias frater Johannes Petri eiusdem ordinis sancti Johannis in cambio apud dictum Gerardum deposuit; unde dicti frater Laurencius et dominus Joh. Hoveman prefatum Gerardum de Boeris et suos heredes pretextu illius dimiserunt ab omni ulteriori monicione seu impeticione penitus quitum et solutum.