Omme to commene teenen goeden payse ende vrede van alsulken gheschille ende twidracht, als eene goede wile uthgestaen hebben ende noch uthestaen tusschen den landen van Holland, Zeeland ende Vriesland an deen ziide, ende den heren van Holsten ende de sesse <Wendischen>A steden, alse Lubeke, Hamborgh, Luneborgh, Rostock, Wismaer ende Zond, die oorloghe ende criig gehadt hebben metten coninc van Denemaerken, ende oec den anderen goeden steden wesende in de DuudscheA hanze, an dander ziide, bii causen van prinsenA, neminghen ende anderen schaden ghedaen ende gheschiet up deen zide ende up dandere, so sin bii middele van hooghen ende moghende prince, mynen heren, den graven van Estampes ende mynen heren van dem raide ons geduchts heren ende princen, myns heren shertoghen van Bourgonien, van Braband, grave van Vlaenderen etc., daertoe bi densulven onsen geduchten here specialike belast ende ghecommitteirt, ten biiwesendeA van den ghedeputeerden van den vier leden slandes van Vlaendren, als ghemeene vriende der vorscrevenen partyen, overeenghedreghen ende ghesloten tusschen edelen, weerden ende voorsienighen heren ende lieden, mynen heren van Santes, oversten des raedes van Holland, mer Willemme van Egmond, here van Yselstein, mynen heren van der Veere, Florise van Borssele, meester Berthelmeus Alatruye, meester Henrik Uthdenhove, ende mester Adrian van der Ee, over de side van Holland, Zeland ende Vriesland; ende her Hinrik Hoyger, borghermester van Hamborgh, her Hinrik Voerraed, borghermester to Danske, sendeboden der ghemeenen stede van der vorscrevenenA hanse, metgaders den olderluden van derselver hanse, liggende in Vlanderen, over ende in den name van den vorscrevenen steden Lubeke, Hamborgh, Luneborgh, Wismaer ende Zond unde ok alle den anderen steden van der hanse vorscreven, de pointe endeA articlen hiernaer verclaerst.

<1-2> .....

3. Item want de vorscreven raddessendeboden ende ouderluden niet en hebben willen in dit bestand begripen noch vervaen de stad van Rostok, mids dat die buten de hanseA gedan is, ende ok viend is derselver hanse, so hebben de radessendeboden ende ouderlude in de name als boven beloftA, evenverre dat bii den van Rostok of haren hulperen den van Holland, Zeeland of Vriesland bynnen desen bestande eenighe schade gheschiedde, dat zii als vriende van den van Holland, Zeeland ende Vriesland hemlieden alle hulpe, troste ende bistandichede doen sullen, omme restitucien ende vergheldinghe to vercrigene, gheliic zii doen zouden haer zelfs poortersA ende ondersaten. Maer zo wanneer de van Rostok vorenicht zullen zin metter hanse, zo wurden zii in dese sake begrepen ghelic alle den anderen hansesteden.

<4-13> .....