Ik her Kristerne Nielsson, ridder, bekenne vnde betughe vor allesweme, de dessen breff seen edder horen lesen, dat her Hinrik Rapesuluer, borghemester to Lubeke, vnde her Tymme Hadewerk, radman darsuluest, hebben my nughe maket vor myn schipp, dat my vor Lubeke ghenamen ward van des rades weghen vnde van der menen stad weghen, vnde was dat sulue schipp, dat vor Kopenhauen ghezenket ward.

Des late ik juw vorbenomede borghemestere, radman vnde gantze menheid der vorscreuenen stad Lubeke leddich vnde loess vor my vnde all de mynen, de juw darvmme anspreken edder schuldighen moghen.

Vnde des to tuchnisse vnde hogher bekantnisse vnde vorwaringhe hebbe ik her Kristerne vorbenomet myn ingesegel witliken drucken heten vnder in dessen openen breff, dede schreuen ys na Godes bort d{uv}zent veerhundert in deme soss vnde druttigesten jare, des mandages na Bartholomei.