.. Alias vacante monasterio Epheholt (!) de Paraclito Roskildensis diocesis ordinis Cisterciensis per obitum quondam Mathie Martini ipsius monasterii abbatis ... conventus ejusdem monasterii .. Johannem Andree monachum monasterii predicti in eorum et hujusmodi monasterii abbatem concorditer elegerunt, ipseque Johannes electioni hujusmodi illius sibi presentato decreto consentiens illam obtinuit auctoritate ordinaria confirmari ac hujusmodi electionis et confirmationis vigore possessionem pacificam vel quasi administrationis bonorum ipsius monasterii extitit assecutus.

Verum, beatissime pater, idem Johannes dubitat electionem et confirmationem hujusmodi viribus non subsistere.

Supplicat igitur s. v. idem Johannes, quatinus de monasterio predicto [fructus in totum 30 mr. arg.] .... de persona ejusdem Johannis dignemini misericorditer providere.

Concessum in presentia pape. C. Ariminensis.

Datum Bononie 2. id. sept. anno 7.