Cum Michael Makenisse clericus Roskildensis diocesis sacri palatii apostolici causarum notarius, postquam per plures annos Romanam curiam continue secutus fuerit et ad partes pro executione certarum litterarum apostolicarum facienda iverit et jam ultimo ad eandem curiam reversus intendat in eadem remanere, supplicat igitur idem Michael, quatenus sibi, ut premissa absentia sua a dicta curia non obstante privilegiis sequentibus dictam curiam concessis et concedendis, ac si ab eadem curia se minime absentasset eamque continue secutus fuisset, gaudere possit, concedere dignemini.

Concessum ad futura, in presentia pape. C. Ariminensis.

Datum Bononie 4. id. dec. anno 7.