.. Alias bone memorie Magnus archiepiscopus Lundensis Svecie primas et apostolice sedis legatus provide intendens et ex relatione et querela prioris et capituli ecclesie Ottoniensis informatus, quod nonnulli satellites sacre religionis emuli priorem et canonicos dicte ecclesie in suis juribus et libertatibus impedire ac per diversa dampna, incommoda et disturbia minus juste vexare et asidue gravare non verebant, ecclesiam, priorem et canonicos predictos cum suis juribus et pertinentiis universis sub sua ac sedis metropolitane protectione ac munimine specialiter recepit defendendos auctoritate metropolitica necnon apostolica, qua jure legationis fungebatur, necnon omnes litteras ac privilegia super quibuscunque gratiis, libertatibus et jurisdictionibus tam a predecessoribus suis archiepiscopis Lundensibus quam episcopis Ottoniensibus necnon aliis prelatis et principibus spiritualibus et temporalibus dictis priori et canonicis concessa et indulta ratificavit et ex certa scientia confirmavit, ac inhibuit firmiter sub pena excommunicationis late sententie, ne quis, cujuscunque status, gradus, conditionis vel preeminentie existat, etiam si pontificali prefulgeret dignitate, priorem et canonicos predictos in suis juribus et libertatibus vel possessionibus auderet impedire vel quomodolibet molestare, prout in auctenticis litterisN desuper confectis latius continetur.

Ut igitur receptio, ratificatio, confirmatio et inhibitio predicte necnon alia in eisdem litteris contenta potioris firmitatis robore solidentur, supplicant e. s. prior et canonici predicti, quatinus receptionem, ratificationem, confirmationem et contenta hujusmodi necnon quecunque inde secuta rata habentes et grata ea omnia apostolica auctoritate et ex certa scientia cum suppletione defectuum etiam confirmare dignemini ....

Concessum et exhibeantur in presentia pape. C. Ariminensis.

Datum Bononie 4. id. jan. anno 7.